ಥೈಲ್ಯಾಂಡ್‌ನಲ್ಲಿ ಕಥೋಲಿಕ ಧಾರ್ಮಿಕ ಸಹೋದರಿಗೆ ಮಾನವ ಕಳ್ಳಸಾಗಣೆ ವಿರೋಧಿ ಅತ್ಯುನ್ನತ ಪ್ರಶಸ್ತಿ
ಚೈನಾರಾಂಗ್ ಮೊಂಥಿಯೆನ್ವಿಚಿಯೆಂಚೈ, ಲಿಕಾಸ್ ಸುದ್ಧಿ
ಜೂನ್ 5 ರಂದು ರಾಷ್ಟ್ರೀಯ ಮಾನವ ಕಳ್ಳಸಾಗಣೆ ವಿರೋಧಿ ದಿನವೆಂದು ಆಚರಿಸಲಾದ ಬ್ಯಾಂಕಾಕ್‌ನಲ್ಲಿ ಕೈಗೊಂಡ ಸಮಾರಂಭದಲ್ಲಿ ಥೈಲ್ಯಾಂಡ್‌ನ ಸಾಮಾಜಿಕ ಅಭಿವೃದ್ಧಿ ಮತ್ತು ಮಾನವ ಭದ್ರತಾ ಸಚಿವಾಲಯವು ಸಂತ ಪೌಲ್ ಡಿ ಚಾರ್ಟ್ರೆಸ್‌ನ ಸಭೆಯ ಸಹೋದರಿಯರಾದ ಸಿಸ್ಟರ್ ಮೇರಿ-ಆಗ್ನೆಸ್ ಸುವಾನ್ನಾ ಬುವಾಸಾಪ್ ರವರನ್ನು ಸನ್ಮಾನಿಸಿತು.
ವಿಶೇಷವಾಗಿ ಅಪಾಯ ಹೆಚ್ಚಿರುವ ಪ್ರದೇಶಗಳಲ್ಲಿ ವಾಸಿಸುವ ಮಹಿಳೆಯರು ಮತ್ತು ಮಕ್ಕಳ ನಡುವಿನ ಕಳ್ಳಸಾಗಣೆಯನ್ನು ಪರಿಹರಿಸುವಲ್ಲಿ ಅವರ "ಧೈರ್ಯಶಾಲಿ, ಸೃಜನಶೀಲ ಮತ್ತು ನಿರಂತರ" ಪ್ರಯತ್ನಗಳನ್ನು ಈ ಪ್ರಶಸ್ತಿ ಶ್ಲಾಘಿಸುತ್ತದೆ. ಈ ಕಾರ್ಯಕ್ರಮವು ಥೈಲ್ಯಾಂಡ್‌ನಾದ್ಯಂತ ಮಾನವ ಕಳ್ಳಸಾಗಣೆಯ ವಿರುದ್ಧ ಹೋರಾಡಲು ಕೆಲಸ ಮಾಡುತ್ತಿರುವ ವಿಶ್ವಾಸ ಆಧಾರಿತ ಮತ್ತು ಜಾತ್ಯತೀತ ಗುಂಪುಗಳ ಪ್ರತಿನಿಧಿಗಳನ್ನು ಒಟ್ಟುಗೂಡಿಸಿತು.
ಲಿಕಾಸ್ ಸುದ್ಧಿಗೆ ನೀಡಿದ ಸಂದರ್ಶನದಲ್ಲಿ, ಸಿಸ್ಟರ್ ಮೇರಿ-ಆಗ್ನೆಸ್ ರವರು, ವಿಶೇಷವಾಗಿ ಕಥೋಲಿಕ ಧರ್ಮಸಭೆಯ ಜೂಬಿಲಿ ವರ್ಷ 2025ರಲ್ಲಿ, ಸಮಾಜದ ಅತ್ಯಂತ ದುರ್ಬಲರನ್ನು ಭರವಸೆ ಮತ್ತು ದೃಢತೆಯ ಕಾರ್ಯಗಳೊಂದಿಗೆ ದುರ್ಬಲ ಸಮುದಾಯದ ಜನರ ನೆರವಿಗೆ ತಲುಪುವ ಅಗತ್ಯವನ್ನು ಒತ್ತಿ ಹೇಳಿದರು. "ಈ ಜೂಬಿಲಿ ವರ್ಷದಲ್ಲಿ, ನಾವು ಭರವಸೆಯ ಯಾತ್ರಿಕರಾಗಲು ಕರೆಯಲ್ಪಟ್ಟಿದ್ದೇವೆ, ಅಂಚಿನಲ್ಲಿ ವಾಸಿಸುವವರಿಗೆ, ವಿಶೇಷವಾಗಿ ಶೋಷಣೆಯ ಅಪಾಯದಲ್ಲಿರುವ ಯುವತಿಯರಿಗೆ ಭರವಸೆಯನ್ನು ತರುತ್ತೇವೆ" ಎಂದು ಅವರು ಹೇಳಿದರು. "ಕಳ್ಳಸಾಗಣೆಯ ವಿರುದ್ಧ ಹೋರಾಡಲು, ನಾವು ಸೇವೆ ಸಲ್ಲಿಸುವ ಸಮುದಾಯಗಳಲ್ಲಿ ಆಳವಾಗಿ ಸಂಯೋಜಿಸಲ್ಪಡಬೇಕು. ವಿಶ್ವಾಸವನ್ನು ಬೆಳೆಸುವುದು ಅತ್ಯಗತ್ಯ."
ಅವರ ಮಾನವ ಸಾಗಣೆ ವಿರೋಧಿ ವಿಧಾನವು ಶಿಕ್ಷಣ, ಸಬಲೀಕರಣ ಮತ್ತು ಸಮುದಾಯ ಆಧಾರಿತ ನಾಯಕತ್ವದಲ್ಲಿ ಬೇರೂರಿದೆ. ಅವರ ಉಪಕ್ರಮಗಳು ಇವುಗಳನ್ನು ಒಳಗೊಂಡಿವೆ:
1.60,000 ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ತಲುಪುವ ಮೂಲಕ, 35 ಶಾಲೆಗಳಲ್ಲಿ 3,182 ಶಿಕ್ಷಕರಿಗೆ ತರಬೇತಿ ನೀಡಲಾಗುತ್ತಿದೆ.
2. ಉತ್ತರ ಗಡಿ ಪ್ರದೇಶಗಳಲ್ಲಿ ಯುವಕರ ನೇತೃತ್ವದ ಜಾಗೃತಿ ಅಭಿಯಾನಗಳನ್ನು ಬೆಂಬಲಿಸಲಾಗುತ್ತಿದೆ.
3.ದೀರ್ಘಕಾಲೀನ ವಕಾಲತ್ತನ್ನು ನಿರ್ಮಿಸಲು ಶಾಲೆಗಳಲ್ಲಿ ಮಕ್ಕಳ ತಲಿಥಾಕೂಮ್ ಸಂಪರ್ಕ ಜಾಲಗಳನ್ನು ಸ್ಥಾಪಿಸುವುದು.
4.ಕುಟುಂಬದ ಆದಾಯವನ್ನು ಹೆಚ್ಚಿಸಲು ಮೆಣಸಿನಕಾಯಿ ಆಧಾರಿತ ಉತ್ಪನ್ನಗಳ ಉತ್ಪಾದನೆ ಸೇರಿದಂತೆ ಉತ್ತರದ ಮೂರು ಹಳ್ಳಿಗಳಲ್ಲಿ ಮಹಿಳೆಯರಿಗೆ ಜೀವನೋಪಾಯ ಕಾರ್ಯಕ್ರಮಗಳನ್ನು ಪ್ರಾರಂಭಿಸುವುದು.
5.ಜಾಗೃತಿ, ಕೌಶಲ್ಯ ಅಭಿವೃದ್ಧಿ ಮತ್ತು ಸಮುದಾಯದ ಸ್ಥಿತಿಸ್ಥಾಪಕತ್ವದ ಮೇಲೆ ಕೇಂದ್ರೀಕರಿಸುವ 800ಕ್ಕೂ ಹೆಚ್ಚು ಮಹಿಳೆಯರಿಗೆ ಕಾರ್ಯಾಗಾರಗಳನ್ನು ಮುನ್ನಡೆಸಲು 40 ಮಂದಿ ತಲಿಥಾಕೂಮ್ ನ ಸ್ವಯಂಸೇವಕರನ್ನು ನಿಯೋಜಿಸುವುದು.
"ಮಗಳೇ, ನಿನಗೆ ಹೇಳುತ್ತೇನೆ, ಎದ್ದೇಳು" ಎಂದು ಸಂತ ಮಾರ್ಕರ ಶುಭಸಂದೇಶದಲ್ಲಿ ಪ್ರಭುಯೇಸುವಿನ ಮಾತುಗಳಿಂದ ಹೆಸರಿಸಲ್ಪಟ್ಟ ತಲಿಥಾಕೂಮ್ ನ ಚಳುವಳಿಯು ಮಾನವ ಕಳ್ಳಸಾಗಣೆಯ ವಿರುದ್ಧ ಹೋರಾಡುವ ಧಾರ್ಮಿಕ ಮಹಿಳೆಯರ ಜಾಗತಿಕ ಜಾಲವಾಗಿದೆ.
ಸಿಸ್ಟರ್ ಮೇರಿ-ಆಗ್ನೆಸ್ ರವರು ತಮ್ಮ ಸಭೆ ಮತ್ತು ವಿಶಾಲ ಧರ್ಮಸಭೆಯ ಬೆಂಬಲವನ್ನು ಶ್ಲಾಘಿಸಿ, ಈ ಹೀಗೆಂದು ನುಡಿದರು ಈ ಕೆಲಸವನ್ನು ಎಂದಿಗೂ ಒಂಟಿಯಾಗಿ ಮಾಡಲಾಗುವುದಿಲ್ಲ, ಇದು ವಿಶ್ವಾಸ ಆಧಾರಿತ ಜನರ ಹಂಚಿಕೆಯ ಬದ್ಧತೆ, ನಂಬಿಕೆ ಮತ್ತು ಸಹಾನುಭೂತಿಯ ಫಲವಾಗಿದೆ ಎಂದು ಹೇಳಿದರು. 2020 ರಲ್ಲಿ, ಕಳ್ಳಸಾಗಣೆ-ಸಂಬಂಧಿತ ಅಪರಾಧ ಪತ್ತೆ ಶೇ. 11 ರಷ್ಟು ಕಡಿಮೆಯಾಗಿದೆ ಮತ್ತು ಶಿಕ್ಷೆ ವಿಧಿಸುವಿಕೆ ಶೇ. 27 ರಷ್ಟು ಕಡಿಮೆಯಾಗಿದೆ ಎಂದು ವಿಶ್ವಸಂಸ್ಥೆಯ ವರದಿ ತಿಳಿಸಿದೆ. ಸಿಸ್ಟರ್ ಮೇರಿ-ಆಗ್ನೆಸ್ ರವರ ರಾಷ್ಟ್ರೀಯ ಪ್ರಶಸ್ತಿಯು ವಿಶ್ವದ ಮಾನವ ಹಕ್ಕುಗಳ ಸವಾಲುಗಳಲ್ಲಿ ಒಂದನ್ನು ಎದುರಿಸುವಲ್ಲಿ ವಿಶ್ವಾಸ ಆಧಾರಿತ ಜನಸಾಮಾನ್ಯರ ಕ್ರಿಯೆಯ ಶಕ್ತಿಗೆ ಸಾಕ್ಷಿಯಾಗಿದೆ.
