യുറോപ്പിലെ കത്തോലിക്കാ മാദ്ധ്യമപ്രവർത്തകരുടെ സമ്മേളനം പ്രാഗിൽ!

ജോയി കരിവേലി, വത്തിക്കാൻ സിറ്റി

യൂറോപ്പിലെ കത്തോലിക്കാമെത്രാന്മാരുടെ സമിതികളുടെ ഔദ്യോഗികവക്താക്കളും വാർത്താകാര്യാലയ പ്രവർത്തകരും  ചെക് റിപ്പബ്ലിക്കിൻറെ തലസ്ഥാനമായ പ്രാഗിൽ സമ്മേളിച്ചു.

ജൂൺ 3-5 വരെയായിരുന്നു സമ്മേളനം. “ഇന്നത്തെ യൂറോപ്പിൽ പ്രത്യോശ സംവേദനം ചെയ്യുക” എന്നതായിരുന്നു ഈ ത്രിദിനസമ്മേളനത്തിൻറെ പ്രമേയം.

യുദ്ധങ്ങളും സാമൂഹ്യപ്രക്ഷോഭങ്ങളും പ്രഹരമേല്പിച്ചുകൊണ്ടിരിക്കുന്ന ഒരു ഭൂഖണ്ഡത്തിൽ  പ്രത്യാശയുടെ സന്ദേശമെത്തിക്കുന്നതിനെക്കുറിച്ചു ചിന്തിക്കുകയായിരുന്നു ഈ സമ്മേളനത്തിൻറെ ലക്ഷ്യം.

സുവിശേഷ സംവേദനം സ്വന്തമാക്കിത്തീർക്കേണ്ട ആവശ്യകത യൂറോപ്പിന് എന്നത്തെക്കാളുപരി ഇന്നാവാശ്യമാണെന്ന് ഈ സമ്മേളനത്തിൻെറെ സംഘാടകരുടെ ഒരു സന്ദേശം പറയുന്നു.

ഈ സമ്മേളനത്തെ സംബോധന ചെയ്ത വത്തിക്കാൻ മാദ്ധ്യമവിഭാഗത്തിൻറെ പ്രതിനിധി അലെസ്സാന്ത്രൊ ജിസോത്തി ആശയവിനിമയത്തിൽ അനിവാര്യഘടകമായി ഫ്രാൻസീസ് പാപ്പാ ചൂണ്ടിക്കാട്ടിയിട്ടുള്ളതും ലിയൊ പതിനാലാമൻ പാപ്പാ എടുത്തുകാട്ടുന്നതുമായ ശ്രവണത്തിൻറെ പ്രാധാന്യം ഊന്നിപ്പറഞ്ഞു.